梅窩行程攻略： 梅窩位於大嶼山東岸，屬於香港離島之一。梅窩係個度假小鎮，區內有唔少嘅景點，譬如有沙灘、瀑布、郊遊徑，行山又得，玩水又得，BBQ又得，食海鮮又得，係吃喝玩樂兼郊遊，好去處足夠俾大家玩足一日！ 同埋相比起其他離島，梅窩亦相對恬靜同現代化，所以假期去都唔錯㗎！
想睇更多：可以去呢條link度睇！
第一站：海景海鮮大排檔 華記海鮮飯店
搭咗咁耐船嚟梅窩第一時間緊係要搵餐廳食定美食醫飽肚先啦，一齊睇下有咩梅窩美食！梅窩有好多以新鮮海產馳名嘅餐廳，華記海鮮飯店就係其中一間。呢間小店喺熟食中心，設有海邊雅座，可以一邊歎住海鮮一邊欣賞海景。而且食物價錢經濟實惠，有貴價海鮮、惹味小炒又有碟頭飯選擇，價錢豐儉由人，就算對有冇BUDGET都啱去，小店招牌菜係豉椒炒蜆、椒鹽鮮魷同椒鹽瀨尿蝦，一場嚟到梅窩嘅不妨去試試～
地址：大嶼山梅窩碼頭熟食中心
第二站：文武廟
食飽飯就可以開始行程！只要經銀礦灣泳灘，按照指示片就可以去坐落於白銀鄉隔離嘅文武廟。呢座文武廟喺明朝萬曆年間建成，係區內最古老嘅廟。文武廟已經有超過四百年歷史，比起香港開埠初期建立嘅上環文武廟仲早二百幾年，真係個相當有歷史價值嘅古蹟！雖然呢座文武廟比起上環文武廟細，但內裏結構同規模都算完好無缺，主要供奉文帝同武帝。文武廟正門兩側仲有堯舜同岳飛故事嘅圖畫，象徵一文一武。如果大家想了解更多呢座文武廟嘅結構，不妨去參觀下～
想睇更多：可以去呢條link度睇！
地址：嶼山梅窩白銀鄉
你可能也會感興趣：
_______________________________________________________________
參加不同國家主題#香港好去處#尋找旅行感 系列 的本地工作坊
歡迎旅人按link投稿分享您的獨家旅程+享有獨家優惠！
想計劃旅遊行程更加得心應手？早鳥登記我們最新動態!
LIKE Glide劃翔 Facebook 然後選擇「See First」盡享旅遊快訊！
FOLLOW Glide劃翔 Instagram 探索獨一無二旅遊行程!
SUBSCRIBE Glide劃翔 Youtube 觀賞精彩短片！
請先 登入 以發表留言。